12月31號到達聖里托尼己經4點幾, 拎完行李都5點
一落機就坐左部VAN仔去旅館, 貴貴地...30Eur單程
因為要約民宿主人喺一個地方等, 佢話我第一次去既話
保證我唔會搵到佢個地點 (埋下之後蕩失路既伏線)
為左方便, 都係坐Van直接去
(1). 住宿地點
住既地方喺OIA, 發音係IA (伊亞)
Genesis Cave Houses Oia Village
Hotels.com訂, 一晚7百幾HKD, 算係同區比較CP值高既民宿
只係咁岩我住果間Cave house冇泳池
民宿主人叫George, Facebook同Email都應得好快
到左佢就幫我拎行李落去我間屋仔
仲請我飲一支Fira (聖里托尼出產)既白酒
飲完仲可以早d抖, 確保冇Jet lag問題
同埋佢請左我希臘既小食, 好好食, 稍後都去左Super Market買左盒
由於1月1日至1月2日都係新年假期
George詳細講解左周圍有邊d餐廳係開
聽完就知中伏, 係大部分舖頭都唔開, 仲要好早閂門
連想食既Pito Gyros / Blue Sky都冇開
 |
 |
| 實景拍攝, 很Chill了吧? 仲大過我屋企 |
大約位置
---------------------------------------------------------------
(2).蕩失路 + 誇年毒自倒數
就係咁, 展開左我第1日既EuroGoGo (聖里托尼) 之旅
正所謂夕陽無限好, 只是大長金
放低行李我就出左去行山
全部都係石路, Google Map都幫我唔到, 完全迷失於城裡
得一兩間食店開門,
食左個Gyros
淡季入夜之後真係一個人都見唔到
仲靜過圖書館.....
只係有好多好乖既狗狗同貓星人
條路好黑...唯有開住電話既電筒
搵左好耐好耐...行錯又行錯
向左走向右走 向左走向右走 向左走向右走x 369次
(因為太多山路岔頭路, Google Map都幫唔到手呀)
終於比我搵到歸家既路
爭d要打比George
行到成身汗...
之後本身想睇下聖里托尼OIA有冇放煙花倒數....
都唔駛唸啦...我都冇買煙花, 所以都唔會有人放
